వడ్డీ వ్యాపారుల అరాచకం

– మధ్యవర్తి పై వడ్డీ వేటు.. సాయం చేయబోతే సంకెళ్లయ్యాయి
– స్నేహితుడి కోసం అప్పు ఇప్పించి ప్రాణ సంకటంలో పడ్డ యువకుడు
– పరువు తీస్తామంటూ మధ్యవర్తికి బెదిరింపులు
– పది వేల అప్పుకు నెలకు మూడు వేల వడ్డీయా?
– అప్పు ఇచ్చేటప్పుడు ‘ అన్న ‘ వడ్డీ అడిగేటప్పుడు ‘ యముడు’
– పరువు పోతుందని బాధితుల ఆవేదన
– ఖాకీలారా కాపాడండి

ఖమ్మం భద్రాద్రి జిల్లా (నవతరం ప్రతినిధి): వడ్లగూడెం గ్రామంలో వడ్డీ వ్యాపారం పేరుతో సామాన్యుల రక్తం తాగుతున్నారు. ఏదైనా అవసరం వచ్చి పదివేలు అప్పు తీసుకుంటే, నెలకు మూడు వేల రూపాయల వడ్డీ కట్టాలని వేధిస్తున్నారు. ఒకవేళ లేదని చెబితే చాలు.. ఫోన్లలో నోటికొచ్చినట్లు బూతులు తిడుతూ, “నీ ఇంటికి వస్తాం.. పదిమందిలో నీ పరువు తీస్తాం..ఏం చేసుకుంటావో చేసుకో అంటున్నారు. అశ్వరావుపేట మండలానికి చెందిన తన స్నేహితుడి ఆర్థిక ఇబ్బందులు చూడలేక, తనకు తెలిసిన వారి వద్ద అప్పు ఇప్పించి, ఇప్పుడు వడ్డీ వ్యాపారుల వేధింపుల మధ్య నలిగిపోతున్నాడు భద్రాద్రి కొత్తగూడెం జిల్లా, దమ్మపేట మండలం వడ్లగూడెం గ్రామానికి చెందిన ఓ యువకుడు. ఒకరికి సహాయం చేయాలనుకోవడం తప్పు కాలేదు కానీ ఆ సహాయమే ఇప్పుడు నా పాలిట శాపం అయింది. అంటూ వడ్లగూడెం గ్రామానికి చెందిన ఆ బాధితుడు కన్నీరు పెడుతున్నాడు.

అసలేం జరిగిందంటే?
వడ్ల గూడెం గ్రామానికి చెందిన బాధితుడు అశ్వరావుపేటలోని తన స్నేహితుడి కోసం ఇద్దరు వ్యక్తుల వద్ద నుండి తలా పది వేల రూపాయల చొప్పున అప్పు ఇప్పించాడు. అప్పు ఇచ్చే సమయంలో వడ్డీ వ్యాపారులు విధించిన కఠిన షరతులు, ఆ తర్వాత అవి అంతటి దారుణమైన వడ్డీ రేట్లకు (పది రోజులకు వెయ్యి రూపాయలు) దారితీస్తాయని ఆ మధ్యవర్తి ఊహించలేదు.

మధ్యవర్తి పైనే ఒత్తిడి
అప్పు తీసుకున్న వ్యక్తి చెల్లింపుల్లో జాప్యం చేస్తుండటంతో వడ్డీ వ్యాపారులు మధ్యవర్తిగా ఉన్న వ్యక్తిని లక్ష్యంగా చేసుకున్నారు. “నువ్వే కదా ఇప్పించావు.. నువ్వే కట్టాలి..”అంటూ ఫోన్లలో అసభ్య పదజాలంతో దూషిస్తున్నారు. సమాజంలో మంచి పేరు ఉన్న ఆ వ్యక్తిని “నీ ఇంటికి వస్తాం..” నీ పరువు తీస్తాం..” అంటూ భయాందోళనలకు గురి చేస్తున్నారు. స్నేహితుడిని అడుగుదామంటే అతని పరిస్థితి బాగోలేదని, అప్పు ఇచ్చిన వారు తనకు తెలిసిన వారే కావడంతో పరువు పోతుందని ఆ వ్యక్తి లోలోన నలిగిపోతున్నాడు.

అక్రమ వడ్డీల మాయాజాలం
నిజానికి చట్టబద్ధమైన వడ్డీ కంటే పది రెట్లు అదనంగా వసూలు చేయడం అక్రమం. అప్పు తీసుకున్న వ్యక్తి అసలు కంటే వడ్డీనే ఎక్కువ కట్టే పరిస్థితి ఏర్పడింది. మధ్యలో ఉన్న వ్యక్తికి ఇదంతా అక్రమ వ్యాపారం అని తెలియకపోయినా, ఇప్పుడు తెలిసిన తర్వాత ఏం చేయాలో పాలు పోక మానసిక ఒత్తిడికి లోనవుతున్నాడు. స్నేహానికి బాధ్యతకు మధ్య నలిగిపోతూ”చనిపోవాలా.. బతకాలా..? అనే స్థితికి చేరుకున్నాడు.

అధికారులకు విన్నపం
వడ్లగూడెం మరియు అశ్వరావుపేట పరిసర ప్రాంతాల్లో ఎలాంటి అక్రమ వడ్డీ వ్యాపారాలు చేస్తున్న వారిపై ఉక్కు పాదం మోపాలని స్థానికులు కోరుతున్నారు. మధ్యవర్తులను బాధితులను ఫోన్ల ద్వారా వేధిస్తున్నవారి నెంబర్లను ట్రాక్ చేసి కఠినంగా శిక్షించాలని పోలీసులను కోరుతున్నారు.

బాధితులకు విజ్ఞప్తి
అధిక వడ్డీలు అడగడం, ఫోన్లో వేధించడం చట్టరీత్యా నేరం. భయపడి ప్రాణాలు తీసుకోవద్దు. పోలీసులను ఆశ్రయించండి.

ఆ వ్యక్తికి చిన్న సలహా
సహాయం చేయబోయి ఇబ్బందుల్లో పడ్డ ఆ వ్యక్తికి మీరు ఇలా చెప్పవచ్చు, అలాగే పోలీసులకు కూడా సమాచారం ఇలా ఇవ్వవచ్చు “మేము అసలు కడతాము, కానీ ఈ అక్రమ వడ్డీలు కట్టలేము”అని తెగేసి చెప్పి వేధింపులు ఆగకపోతే పోలీసుల)(100) కి ఫిర్యాదు చేయమనండి. వడ్డీ వ్యాపారులు ఫోన్లో మాట్లాడే బూతులు బెదిరింపులను రికార్డు చేయమనండి. అవి చట్టపరంగా ఆయుధాలు అవుతాయి. అప్పు తీసుకున్న వ్యక్తితో కూర్చొని సమస్య తీవ్రతను వివరించి ఏదో ఒక విధంగా అసలు చెల్లించే ఏర్పాటు చేయమనండి. అప్పు తీసుకున్న వారు తమ అవసరాల కోసం తీసుకున్నారా లేక ప్రాణాపాయ స్థితిలో తీసుకున్నారా అన్న విచక్షణ లేకుండా ఈ ‘ వడ్డీ గద్దలు’ విరుచుకుపడుతున్నా ఫోన్ కాల్స్ ద్వారా రాజ్యంలో వేధిస్తూ బాధ్యతలను ఆత్మహత్యల దిశగా ప్రేరేపిస్తున్నారని గ్రామస్తులు ఆవేదన వ్యక్తం చేస్తున్నారు. తెలంగాణ వడ్డీ వ్యాపారుల నియంత్రణ చట్ట ప్రకారం.. అనుమతి లేకుండా వట్టి వ్యాపారం చేయడం అధిక వడ్డీలు వసూలు చేయడం బాధితులను వేధించడం నేరం. వడ్ల గూడెం గ్రామంలో సాగుతున్న ఈ దారుణమైన వడ్డీ దోపిడీపై జిల్లా ఉన్నతాధికారులు దమ్మపేట పోలీసులు తక్షణమే స్పందించాలి. గ్రామంలో విచారణ చేపట్టి అమాయకులను వేధిస్తున్న వారిపై కఠిన చర్యలు తీసుకోవాలని, ఈ నరకయాతన నుండి తమరు కాపాడాలని బాధ్యతలు వేడుకుంటున్నారు.